‘n Onderneming met ‘n hart van goud

Meloni Lucas wat die franchisehouer is.

‘n Nuwe onderneming in Krugersdorp maak sy hart oop vir die gemeenskap.

Big Joe’s Pies het onlangs sy deure by die nuwe Valley View Retail-sentrum in Noordheuwel oopgemaak. Die gemeenskap is nie net beïndruk met hul pasteie nie, maar ook met hul goedhartigheid teenoor die gemeenskap.

Volgens Pieter van der Merwe van die onderneming se hoofkantoor, wil hulle een maal per maand oorskietpasteie aan minderbevoorregtes skenk en so behoeftige mense help.

“Ons het soveel om voor dankbaar te wees en nie almal is so bevoorreg om elke aand ‘n bord kos te hê nie,” het Pieter gesê.

Die onderneming vries elke dag die pasteie wat nie verkoop is nie en gee dan een maal per maand in groot aantal pasteie vir ‘n organisasie in nood. Pieter het ook vertel dat hulle bereid is om ekstra pasteie te bak indien daar nie genoeg sou wees om te skenk nie.

Die organisasie wil ook graag betrokke raak by ander projekte in die gemeenskap sowel as by skole. Hulle nooi organisasies waarby hulle betrokke kan raak en wat hulp nodig het om hulle te skakel by 012 346 3093.

“Ons is hier om te bly en om honger mense te voed,” het Pieter gesê.

Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.

Vir daaglikse gratis gemeenskapsnuus aan die Wes-Rand, besoek ook ons susterwebtuistes: 

Randfontein Herald

Roodepoort Record

Get It Joburg West Magazine

Besoek ook ons Facebook, Twitter en Instagram blaaie om jou stem te laat tel!

  AUTHOR
Nadine Maré
Journalist

Latest News

COMMENTS

Top