Leerlinge kry meer dié winter

CVO Brandwag Laerskool-leerling, Andries Jacobs, saam met onderwyseresse Trudie King en Magda Lombard.

Op Donderdag (2 Junie) het 30 leerlinge van CVO Brandwag Skool met groot waardering ‘n wintergeskenkie van Mapogo a Mathamaga-sekuriteit ontvang.

Die skool, een van 48 van sy soort in die land, is ‘n ouergedrewe skool waar die ouers eienaarskap neem van hulle kinders se opvoeding.

“Die skool het vyf onderwysers wat na 30 laerskoolleerlinge omsien,” het Lina van Vuuren, die skoolhoof, aan die News vertel.

Die skoolkinders het die komberse met opgewondenheid ontvang.

Die skoolkinders het die komberse met opgewondenheid ontvang.

Dewald Naudé, areaverkoopsbestuurder van Mapogo a Mathamaga, het gesê hulle het die fondse geskenk vir die materiaal van die komberse wat deur vier vrywilligers gemaak is. Magda Lombard, een van die vrywilligers en ‘n onderwyseres aan die laerskool het gesê dit het byna ‘n uur geneem om een kombers te maak.

Lina het bygevoeg dat sy baie dankbaar is vir die sekuriteitsmaatskappy wat in die gemeenskap terugploeg.

Mapogo a Mathamaga-sekuriteit se verteenwoordigers by die skool se 30 leerlinge nadat hulle elkeen 'n kombers ontvang het.

Mapogo a Mathamaga-sekuriteit se verteenwoordigers by die skool se 30 leerlinge nadat hulle elkeen ‘n kombers ontvang het.

“Nou gaan die kinders dié winter warm bly onder die komberse en aan Mapogo dink,” het sy gesê.

CVO Brandwag is ‘n niewinsgewende maatskappy. Saam met 48 ander skole vorm hulle die Beweging vir Christelike Volkseie Onderwys (BCVO). Alle fondse wat ingesamel word, word aan die opvoeding van die kinders bestee.

Lees ook:

• [VIDEO] Bejaarde betrap inbrekers by haar huis

• Brandwag Skool – die laerskool met ‘n verskil

• [FOTO’s] Gemeenskapsentrum vuurwarm vir winter

  AUTHOR
Chantelle Fourie
Journalist

Latest News

COMMENTS

Top